КАШМЕР ЯАГААД ОНЦГОЙ ГЭЭЧ

Дэлхийн зах зээлд нэвтэрсэн цагаасаа хаад, ноёд, язгууртнуудын гангараа болж ирсэн ноолууран хувцас, эдлэл өнөөг хүртэл шилдэг тансаг хувцас хэрэглэлийн нэгт тооцогддог. Гэхдээ зөвхөн гангараа, гоё харагдахаас гадна кашмеран бүтээгдэхүүнийг онцгой болгодог, хүн бүрд хэрэгтэй гэдгийг нотлох хэд хэдэн шалтгаан бий. Тухайлбал, ноолууран бүтээгдэхүүн нь:

1. Даавуунаас 3 дахин хөнгөн (Ердийн хонины ноос сортоосоо хамааран 30-60 микрон байдаг бол ширхэг ноолуур 15-19 микрон байдаг),
2. Энгийн даавуунаас 8 дахин дулаан (Ноолуур нь дулаан тусгаарлах чадвараараа хонь, тэмээний ноосноос илт давуу илүү байдаг бөгөөд ямааны ноолуурын дулаан шинж чанарыг “Байгалийн термос” гэж нэрлэх нь бий),
3. Тав тух (Кашмеран бүтээгдэхүүн хүнд харшил өгөхгүй, ширүүн ширхэггүй учир арьсанд ээлтэй байдаг учир мэдрэмтгий арьстай хүмүүс түлхүү сонгон хэрэглэдэг),
4. Амьсгалах чадамж сайтай (Ноолууран бүтээгдэхүүн загвар, тав тух, дулаан хадгалахаас гадна хөлс дарахгүй, агаар сэлгэлт сайтай байдаг),
5. Эдэлгээ даадаг (Кашмеран хувцсыг зөв арчилж, өмсвөл 10-аас дээш жил ч өмсөх боломжтой),
6. Уян хатан (Дийлэнх хувцас удаан хугацааны турш өмсөхөөр хэлбэрээ алдаж сунадаг. Харин ноолууран бүтээгдэхүүн сунадаггүй бөгөөд “хэлбэрээ барьдаг” хувцасны ангилалтай байдаг шүү),
7. Байгалийн тогтвортой материал (Кашмеран бүтээгдэхүүнийг 100% ноолуур ашиглан хийдэг учир ямар нэгэн химийн бодис, нэмэгдэлгүйгээрээ онцгой. Тийм ч учраас эзэндээ 100% байгалийн мэдрэмж өгдөг ч гэж болох юм).

Манай дэлгүүрийн хаяг:

• Улсын их дэлгүүрийн 3 давхарт TSAHLAI cashmere
• Вокзалын зүүн талын Монголд үйлдвэрлэв төвийн 1 давхарт TSAHLAI cashmere